ഗവര്‍ണര്‍ ആരിഫ് മുഹമ്മദ് ഖാന്‍ നാഗ്പൂരിലെ ആര്‍എസ്എസ് ആസ്ഥാനം സന്ദര്‍ശിച്ചു. ‘ദൈനിക് ഭാസ്‌കര്‍’ സംഘടിപ്പിച്ച പരിപാടിയില്‍ പങ്കെടുക്കാനെത്തിയപ്പോഴാണ് ഖാന്‍ ആര്‍എസ്എസ് ആസ്ഥാനത്തും സന്ദര്‍ശിച്ചത്. ഖാനെ വരവേറ്റത് സംബന്ധിച്ച ആര്‍എസ്എസ് പ്രസ്താവനയെ ഉദ്ധരിച്ച് ദേശീയ വാര്‍ത്താ ഏജന്‍സിയാണ് ഇക്കാര്യം റിപ്പോര്‍ട്ട് ചെയ്തത്.
ആര്‍എസ്എസ് ഭാരവാഹികളായ രാംഭാവു ബോണ്ടാലെ, ശ്രീധര്‍റാവു ഗാഡ്ഗെ എന്നിവര്‍ ചേര്‍ന്ന് ആരിഫ് മുഹമ്മദ് ഖാനെ സ്വീകരിച്ചതിന്റെ ചിത്രങ്ങള്‍ സഹിതം ആര്‍എസ്എസ് പ്രാന്ത് സഹ പ്രചാര്‍ പ്രമുഖ് രാജേഷ് പദ്മര്‍ ട്വിറ്ററിലൂടെയും വിവരം പുറത്തുവിട്ടു. ആര്‍എസ്എസ് തലവന്‍ മോഹന്‍ ഭാഗവത് ഈ സമയം നാഗ്പൂരിലില്ലായിരുന്നുവെന്നാണ് മറ്റൊരു റിപ്പോര്‍ട്ട്.
English Summary: Governor Arif Muhammad Khan visited RSS headquarters
You may also like this video
