വിവാഹം നടക്കാത്തതില്‍ മനംനൊന്ത് യുവാവ് ജീവനൊടുക്കി. ഉത്തര കന്നഡ ജില്ലയിലെ യല്ലാപ്പൂർ താലൂക്കിലെ തെലങ്കാര സ്വദേശിയായ നാഗരാജ ഗണപതി ഗാവോങ്കര്‍ (35) ആണ് മരിച്ചത്. വിവാഹം നടക്കാത്ത വിഷമത്തിലാണ് ആത്മഹത്യ ചെയ്യുന്നതെന്ന് എഴുതിയ കത്ത് കണ്ടെത്തിയിട്ടുണ്ട്.
വീടിന് സമീപത്തെ കുന്നിലെ മരത്തിൽ തൂങ്ങി മരിച്ച നിലയിലാണ് മൃതദേഹം കണ്ടെത്തിയത്. വ്യാ‍ഴാ‍ഴ്ച രാവിലെയോടെയാണ് യുവാവിനെ മരിച്ച നിലയിൽ കണ്ടെത്തിയത്. നാട്ടിലെ അറിയപ്പെടുന്ന യുവ കർഷകനായിരുന്നു ഗണപതി ഗാവോങ്കർ. കർഷകവൃത്തിയിലൂടെ ഉപജീവനം നടത്തുന്ന കുടുംബമായിരുന്നു ഇയാളുടേത്. കഴിഞ്ഞ കുറച്ച് വർഷങ്ങളായി ഇയാള്‍ നിരവധി പെണ്ണ് കാണൽ നടത്തിയെങ്കിലും ഒന്നും വിവാഹത്തിലേക്ക് എത്തിയിരുന്നില്ല. ഇത് നാഗരാജനെ മാനസികമായി തളര്‍ത്തിയിരുന്നുവെന്ന് അടുത്ത ആളുകള്‍ പറഞ്ഞു.
English Summary: Graduate commits suicide after failing to get a job and bride
You may also like this video
