വടക്കുകിഴക്കൻ മിസോറാമിൽ ശനിയാഴ്ചയുണ്ടായ കനത്ത മഴയിലും വൻ ആലിപ്പഴവർഷത്തിലും 200 ഓളം വീടുകൾക്ക് കേടുപാടുകൾ സംഭവിച്ചു. സംഭവത്തില്‍ ആളപായമൊന്നും റിപ്പോർട്ട് ചെയ്യപ്പെട്ടിട്ടില്ല. മണിപ്പൂരിനോട് അതിർത്തി പങ്കിടുന്ന സൈതുവൽ ജില്ലയിലെ ഫുവായ്ബുവാങ്ങിലും മറ്റ് സമീപ ഗ്രാമങ്ങളിലും ശനിയാഴ്ച വൈകുന്നേരമാണ് ആലിപ്പഴം പെയ്തത്. ഫുവായ്ബുവാങ്ങിൽ കുറഞ്ഞത് 235 വീടുകൾക്ക് കേടുപാടുകൾ സംഭവിച്ചത് സ്ഥിരീകരിച്ചതായി അധികൃതര്‍ പറഞ്ഞു.
വീടുകള്‍ തകര്‍ന്നവര്‍ക്ക് നഷ്ടപരിഹാരം നല്‍കുമെന്ന് ദുരിതബാധിതർക്ക് ജില്ലാ ഭരണകൂടം അറിയിച്ചു. ദുരന്തബാധിത പ്രദേശങ്ങളിലെ ആളുകളെ ദുരിതാശ്വാസ ക്യാമ്പുകളിലേക്ക് മാറ്റിയതായും അധികൃതര്‍ അറിയിച്ചു.
English Summary: Hail storm in Mizoram: More than 200 houses destroyed
You may like this video also
