പുന്നോൽ താഴെവയലിലെ സിപിഐഎം പ്രവർത്തകൻ കെ ഹരിദാസനെ കാൽവെട്ടിമാറ്റി കൊലപ്പെടുത്തിയ കേസിലെ ആറ് പ്രതികളുടെ ജാമ്യഹർജിയും ഒരു പ്രതിയുടെ മുൻകൂർ ജാമ്യഹർജിയും ജില്ലാസെഷൻസ് കോടതി തള്ളി.
റിമാൻഡിലുള്ള പുന്നോൽ ചാലിക്കണ്ടി വീട്ടിൽ സി കെ അശ്വന്ത്, ചെള്ളത്ത് കിഴക്കയിൽ സി കെ അർജുൻ, ദീപക് സദാനന്ദൻ, പുന്നോൽ സോപാനത്തിൽ കെ അഭിമന്യു, മാഹി പന്തക്കൽ ശിവഗംഗയിൽ പി കെ ശരത്ത്, മാടപ്പീടികയിലെ ആത്മജ് എസ് അശോക് എന്നിവരുടെ ജാമ്യഹർജിയും ഒളിവിലുള്ള ആർഎസ്എസ് സേവാ പ്രമുഖ് നിജിൽദാസിന്റെ മുൻകൂർ ജാമ്യ ഹർജിയുമാണ് തള്ളിയത്.
പബ്ലിക് പ്രോസിക്യൂട്ടർ കെ അജിത്കുമാറിന്റെ വാദംഅംഗീകരിച്ചാണ് നടപടി. ഫെബ്രുവരി 21ന് പുലർച്ചെയാണ് ഹരിദാസനെ കുടുംബത്തിന്റെ മുന്നിലിട്ട് വെട്ടിക്കൊന്നത്.
English summary;Haridasan assassination; The court rejected the bail plea of the accused
You may also like this video;
