ഹരിദ്വാറിലെ ധർമ സൻസദ് സമ്മേളനത്തിൽ മുസ്ലിംങ്ങൾക്കെതിരെ വിദ്വേഷ പ്രസംഗം നടത്തിയ കേസിൽ യതി നരസിംഹാനന്ദ ഗിരി ഉൾപ്പെടെ 10 പേര്‍ക്കെതിരെ രണ്ടാമത്തെ എഫ്ഐആര്‍ രജിസ്റ്റര്‍ ചെയ്തു. സാധ്വി അന്നപൂർണ എന്ന സാഗർ സിന്ധു മഹാരാജ്, മതം മാറി ജിതേന്ദ്ര ത്യാഗി എന്ന പേര് സ്വീകരിച്ച യുപി ഷിയാ വഖഫ് ബോർഡ് മുൻ അധ്യക്ഷൻ വസീം റിസ്വി തുടങ്ങിയവരും പ്രതിപ്പട്ടികയിലുണ്ട്.
ഡിസംബർ 16 മുതൽ 19 വരെ തീയതികളിലാണ് വിവാദ സമ്മേളനം നടന്നത്. മുസ്ലിംകൾക്കെതിരെ ആയുധമെടുക്കണമെന്നും വംശഹത്യ നടത്തണമെന്നും ആഹ്വാനം ചെയ്തുള്ള ധർമ സൻസദിലെ പ്രസംഗങ്ങളുടെ വിഡിയോകൾ സമൂഹമാധ്യമങ്ങളിൽ പ്രചരിച്ചിരുന്നു. സംഭവം വിവാദമായതോടെ 23 നാണ് ആദ്യ എഫ്ഐആർ ഫയൽ ചെയ്തത്. അതേസമയം കേസില്‍ ഇതുവരെ അറസ്റ്റൊന്നും രേഖപ്പെടുത്തിയിട്ടില്ല.
ENGLISH SUMMARY:Haridwar hate speech: Second FIR against Narasimhananda
You may also like this video
