വിദ്വേഷ പരാമർശത്തിൽ കേന്ദ്രമന്ത്രി രാജീവ് ചന്ദ്രശേഖറിനെതിരെ അറസ്റ്റ് ഉൾപ്പെടെയുള്ള നടപടികൾ തല്‍ക്കാലം പാടില്ലെന്ന് ഹൈക്കോടതി. കളമശേരി സ്ഫോടനത്തിന് പിന്നാലെയുള്ള വിവാദ പരാമർശത്തിൽ രജിസ്റ്റർ ചെയ്ത കേസിൽ രണ്ടാഴ്ചത്തേക്കാണ് നടപടി വിലക്ക്.
മതവിദ്വേഷം വളർത്തുന്ന പരാമർശം നടത്തിയെന്ന കുറ്റം ചുമത്തി രജിസ്റ്റർ ചെയ്ത രണ്ട് എഫ്ഐആറുകൾ ചോദ്യം ചെയ്ത് നൽകിയ ഹർജിയിലാണ് ജസ്റ്റിസ് സി എസ് ഡയസ് അധ്യക്ഷനായ സിംഗിൾ ബെഞ്ചിന്റെ നടപടി. വിദ്വേഷം പ്രചരിപ്പിക്കുന്ന വാക്കുകൾ പറഞ്ഞിട്ടില്ലെന്നായിരുന്നു രാജീവ് ചന്ദ്രശേഖറിന് വേണ്ടി ഹാജരായ സുപ്രീം കോടതിയിലെ മുതിർന്ന അഭിഭാഷകൻ മഹേഷ് ജെത് മലാനിയുടെ വാദം. ഹർജി ഡിസംബർ 14ന് ഹൈക്കോടതി വീണ്ടും പരിഗണിക്കും.
English Summary:Hate speech: Temporary ban on action against Union minister
You may also like this video
