പുനലൂർ: താലൂക്ക് ആശുപത്രിയിലെ നഴ്സിനെ ഭർത്താവ് ആശുപത്രിയിൽ എത്തി സിറിഞ്ചിൽ നിറച്ച ആസിഡ് മുഖത്ത് ഒഴിച്ചതായി പരാതി. പരുക്കേറ്റ വെട്ടിക്കവല സ്വദേശി നീതുവിനെ (35) കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഭർത്താവ് വിപിൻ രാജിനെ പുനലൂർ പൊലീസ് കസ്റ്റഡിയിലെടുത്തു.
താലൂക്ക് ആശുപത്രിയിലെ വനിതാ ഹോസ്റ്റലിൽ ഇന്നലെ വൈകിട്ടാണ് സംഭവം. ഇരുവരും തമ്മിൽ കുടുംബപ്രശ്നങ്ങൾ ഉണ്ടായിരുന്നുവെന്ന് പൊലീസ് പറഞ്ഞു. കുട്ടികളുടെ ആധാർ വാങ്ങാനാണ് ഭർത്താവ് ആശുപത്രിയിൽ എത്തിയത്. ഇരുവരും തമ്മിൽ വാക്കുതർക്കം ഉണ്ടായി. ഇതിനിടെ സിറിഞ്ചിൽ കരുതിയിരുന്ന ആസിഡ് നീതുവിന്റെ മുഖത്തേക്ക് ചീറ്റി ഒഴിക്കുകയായിരുന്നുവെന്ന് പൊലീസ് പറഞ്ഞു.
English summary: He reached the hospital and poured acid in a syringe on the nurse’s face; Husband arrested
you may also like this video:
