എ ഐ എസ് എഫ് 45-ാം സംസ്ഥാന സമ്മേളനത്തിന് മുന്നോടിയായി മുഹമ്മ ലോക്കൽ കമ്മിറ്റിയുടെയും ഫോക്കസ് ഐ ഹോസ്പിറ്റൽ ചേർത്തലയുടെയും നേതൃത്വത്തിൽ ആരോഗ്യ സെമിനാറും നേത്ര ചികിത്സാ ക്യാമ്പും സംഘടിപ്പിച്ചു.
മുഹമ്മ ആര്യക്കരയിൽ നടന്ന സെമിനാർ സി പി ഐ ജില്ലാ സെക്രട്ടറി ടി ജെ ആഞ്ചലോസ് ഉദ്ഘാടനം ചെയ്തു. ലോക്കൽ കമ്മിറ്റി പ്രസിഡന്റ് അപർണ്ണ അധ്യക്ഷയായി. സെക്രട്ടറി സുജിത് സ്വാഗതം പറഞ്ഞു. യു അമൽ, കെ ബി ഷാജഹാൻ, കെ ബി ബിമൽറോയ്, കെ എസ് ശ്യാം, അജയ്, സച്ചിൻ, സി കെ ചിദംബരൻ, ഒ എ ആഘോഷ്, സുജിത് ബാലമുരളി എന്നിവർ പ്രസംഗിച്ചു. ഡോ. രാജേഷ് ക്യാമ്പിന് നേതൃത്വം നൽകി.