തെലങ്കാന നിയമസഭാ തെരഞ്ഞെടുപ്പിനിടെ പോളിംഗ് ഡ്യൂട്ടിയിലായിരുന്ന ജീവനക്കാരൻ ഹൃദയാഘാതം മൂലം മരിച്ചു. സംഗറെഡ്ഡി ജില്ലയിലാണ് സംഭവം. സുധാകർ (48) ആണ് മരിച്ചത്. വെറ്ററിനറി വിഭാഗത്തിൽ അസിസ്റ്റന്റായി ജോലി ചെയ്തുവരികയായിരുന്നു ഇയാള്‍.
പടൻചെരു മണ്ഡലത്തിലെ ഇസ്നാപൂരിലെ പോളിംഗ് ബൂത്തിൽ 248-ാം നമ്പർ ബൂത്തിൽ ജോലി ചെയ്യുന്നതിനിടെ, നെഞ്ചുവേദന അനുഭവപ്പെട്ട് സുധാകർ കുഴഞ്ഞുവീഴുകയായിരുന്നു.ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും അവിടെ എത്തിയപ്പോഴേക്കും മരിച്ചതായി ഡോക്ടർമാർ സ്ഥിരീകരിച്ചു. മൃതദേഹം കുടുംബാംഗങ്ങൾക്ക് വിട്ടുകൊടുത്തു.
സംഗറെഡ്ഡി ജില്ലയിൽ ഉച്ചയ്ക്ക് ഒരു മണി വരെ 42.17 ശതമാനം പോളിംഗ് രേഖപ്പെടുത്തി.
English Summary: Heart attack during election duty: Officer dies
You may also like this video
