നവരാത്രി ആഘോഷങ്ങളോട് അനുബന്ധിച്ച് നടന്ന ഗര്‍ബ ചടങ്ങിനിടെ നൃത്തം ചെയ്തുകൊണ്ടിരുന്ന യുവാവ് ഹൃദയാഘാതത്തെത്തുടര്‍ന്ന് മരിച്ചു. ഗുജറാത്തിലെ കപദ്‌വഞ്ച് ഖേഡ ജില്ലയിലാണ് സംഭവം. നവരാത്രിയോട് അനുബന്ധിച്ച് ആറാം ദിവസം നടന്ന ഗർബ ചടങ്ങിനിടെയാണ് 17 വയസ്സുള്ള ആൺകുട്ടി മരിച്ചത്.
തലകറക്കമുണ്ടെന്ന് കുട്ടി പറഞ്ഞതിനെത്തുടര്‍ന്ന് സന്നദ്ധ പ്രവർത്തകരുടെ സംഘം ഉടൻ തന്നെ അടിയന്തര ചികിത്സ ലഭ്യമാക്കിയെങ്കിലും ജീവന്‍ രക്ഷിക്കാനായില്ലെന്ന് അധികൃതര്‍ പറഞ്ഞു. വിശ്രമമില്ലാതെ ഇത്തരം ആഘോഷ പരിപാടികളില്‍ നൃത്തം വയ്ക്കരുതെന്ന് കുട്ടിയുടെ പിതാവ് പറഞ്ഞു. കുട്ടി മരിച്ചതിനെത്തുടര്‍ന്ന് ഇവിടെ നടത്താനിരുന്ന ഗർബ ചടങ്ങ് മാറ്റിവച്ചു.
കൂടാതെ കപദ്‌വഞ്ച് നഗരത്തിലെയും പരിസര പ്രദേശങ്ങളിലെയും എല്ലാ ആഘോഷ പരിപാടികളും ഒരു ദിവസത്തേക്ക് നിർത്തിവച്ചതായി അധികൃതര്‍ അറിയിച്ചു.
English Summary: Heart attack during Navratri celebrations; 17-year-old dies after collapsing while dancing
You may also like this video
