ഇന്നലെ രാത്രി മുതൽ കനത്ത മഴ തുടരുന്ന സാഹചര്യത്തിൽ തമിഴ്നാട്ടിലെ എട്ട് ജില്ലകളില്‍ അവധി പ്രഖ്യാപിച്ചു. ചെന്നൈ, കാഞ്ചീപുരം, ചെങ്കൽപട്ട്, തിരുവള്ളൂർ ജില്ലകളിലെ എട്ട് ജില്ലകളിലെ സ്‌കൂളുകൾക്കാണ് അവധി പ്രഖ്യാപിച്ചത്. തഞ്ചാവൂർ, തിരുവാരൂർ, നാഗപട്ടണം എന്നിവിടങ്ങളില്‍ കോളജുകൾ അടച്ചു. തമിഴ്നാട്ടില്‍ വടക്ക് കിഴക്കൻ മൺസൂൺ ഏതാനും ദിവസങ്ങൾക്ക് മുമ്പ് ആരംഭിച്ചിരുന്നു. അടുത്ത നാല് ദിവസങ്ങളിൽ പതിനാറ് ജില്ലകളിൽ അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം പ്രവചിച്ചു. മഴ ശക്തമാകുന്ന സാഹചര്യത്തില്‍ എല്ലാ സുരക്ഷാ സംവിധാനങ്ങളും സജ്ജമാണെന്ന് അധികൃതര്‍ അറിയിച്ചു.
English Summary: Heavy rain: Holiday declared for eight districts in Tamil Nadu
You may also like this video
