സംസ്ഥാനത്ത് മഴ തുടരുമെന്ന് കേന്ദ്ര കാലാവസ്ഥാ വകുപ്പ്. തെക്ക് കിഴക്കൻ അറബിക്കടലിനും മധ്യ കിഴക്കൻ അറബിക്കടലിനും മുകളിലായി ന്യൂനമർദം സ്ഥിതി ചെയ്യുന്നുണ്ട്. ലക്ഷദ്വീപിന് മുകളിലായി സ്ഥിതി ചെയ്തിരുന്ന ചക്രവാതച്ചുഴി ഇന്നലെ പുലർച്ചെയാണ് ന്യൂനമർദമായത്. ഇത് വരും ദിവസങ്ങളിൽ ശക്തമാകുമെന്നാണ് പ്രതീക്ഷ. നിലവിലെ സ്ഥിതിയിൽ ശനിയാഴ്ചയോടെ മാത്രമേ കേരളത്തിൽ മഴ ശക്തമാകാൻ സാധ്യതയുള്ളു എന്നാണ് വിലയിരുത്തൽ.
തെക്ക് കിഴക്കൻ ബംഗാൾ ഉൾക്കടലിനും ആൻഡമാൻ കടലിനും മുകളിലായി മറ്റൊരു ചക്രവാതച്ചുഴിയും സ്ഥിതിചെയ്യുന്നു. പടിഞ്ഞാറ്, വടക്ക് പടിഞ്ഞാറു ദിശയിൽ സഞ്ചരിക്കുന്ന ചക്രവാതച്ചുഴി നാളെ ന്യൂനമർദമായി ശക്തി പ്രാപിക്കാൻ സാധ്യതയുള്ളതിനാൽ ശനി, ഞായർ ദിവസങ്ങളിൽ കേരളത്തില്‍ മഴ ശക്തമാകുമെന്നാണ് പ്രവചനം. ഇന്ന് എവിടെയും പ്രത്യേക മുന്നറിയിപ്പുകളൊന്നുമില്ല.
English Summary: Heavy rain in kerala
You may also like this video
