ബംഗാൾ ഉൾക്കടലിലെയും അറബിക്കടലിലെയും ന്യൂനമർദത്തിന്റെ സ്വാധീനം കാരണം കാരണം കേരള തീരത്ത് നാളെയും കാലവർഷം ശക്തി പ്രാപിക്കും. ഗുജറാത്തിൽ തുടരുന്ന അതിതീവ്ര ന്യൂനമർദം നാളെ ‘അസ്ന’യായി ശക്തിപ്രാപിച്ചു അറബിക്കടലിൽ പ്രവേശിക്കും. മണിക്കൂറിൽ 35- 50 കിലോമീറ്റർ വരെയാണ് കാറ്റിന്റെ വേഗത.
കോട്ടയത്ത് ഇന്ന് പുലർച്ചെ ഇടിമിന്നലോടു കൂടിയ മഴയായിരുന്നു. എറണാകുളം, ഇടുക്കി, തൃശൂർ, കോഴിക്കോട്, വയനാട്, കണ്ണൂർ, കാസർകോട് എന്നീ ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം എന്നീ ജില്ലകളിൽ യെലോ അലർട്ടും പ്രഖ്യാപിച്ചിട്ടുണ്ട്. ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിൽ താമസിക്കുന്നവർ അധികൃതരുടെ നിർദേശാനുസരണം സുരക്ഷിതമായ സ്ഥലങ്ങളിലേക്ക് മാറി താമസിക്കണമെന്ന് സംസ്ഥാന ദുരന്ത നിവാരണകമ്മറ്റി മുന്നറിയിപ്പ് നൽകിയിട്ടുണ്ട്.