കേരളത്തിലെ വിവിധ ജില്ലകളിൽ മഴ ശക്തി പ്രാപിക്കുന്ന സാഹചര്യത്തില് അടുത്ത മൂന്ന് മണിക്കൂറിൽ രണ്ട് ജില്ലകളില് ഓറഞ്ച് അലര്ട്ട്. കേന്ദ്ര കാലാവസ്ഥാ വകുപ്പ് വൈകുന്നേരം 6.45ഓടെ നൽകിയ അറിയിപ്പനുസരിച്ചാണ് അടുത്ത മൂന്ന് മണിക്കൂറിൽ രണ്ട് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുള്ളത്. മലപ്പുറം, കോഴിക്കോട് ജില്ലകളിലാണ് ഓറഞ്ച് അലർട്ട്. മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റ് വീശാനും സാധ്യതയുണ്ടെന്ന് കേന്ദ്ര കാലാവസ്ഥാവകുപ്പിന്റെ മുന്നറിയിപ്പുണ്ട്.
നാളെ എറണാകുളം ജില്ലയിൽ ഓറഞ്ച് അലർട്ടാണ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, തൃശൂർ എന്നീ ഏഴ് ജില്ലകളിൽ നാളെ യെല്ലോ അലർട്ടും പ്രഖ്യാപിച്ചു.