ബ്രസീലില്‍ ശക്തമായി പെയ്യുന്ന മഴയില്‍ 16 പേര്‍ മരണപ്പെട്ടു. പത്ത് പേരിലധികം പേരെ കാണാതായതായി റിപ്പോര്‍ട്ട്. ബ്രസീലിലെ റിയോ ഡി ജനീറോ എന്ന സംസ്ഥാനത്താണ് മഴ തുടരുന്നത്. സ്ഥലത്ത് രക്ഷാപ്രവര്‍ത്തനം തുടരുകയാണെന്ന് രക്ഷാ സംഘം അറിയിച്ചു. അംഗരാ ഡോസ് റെയ്ഡ് നഗരമാണ് മഴയില്‍ പൂര്‍ണമായും ദുരിന്തമനുഭവിക്കുന്ന പ്രദേശം.
വീടുകള്‍ക്ക് മുകളിലേക്ക് മണ്ണ് ഇടിഞ്ഞ് വീണ് പ്രദേശത്ത് എട്ട് പേര്‍ മരണപ്പെടുകയും പത്തിലധികം പേരെ കാണാതാവുകയും ചെയ്തു. 655എംഎം മഴയാണ് ഇവിടെ ലഭിച്ചത്. പാര്‍ത്തി നഗരത്തില്‍ മണ്ണിടിച്ചിലില്‍ ഒരു കുടുംബത്തിലെ ഏഴ് പേരെ കാണാതായി. മഴ തുടരുന്നതിനാല്‍ പല പ്രദേശങ്ങളിലും മണ്ണിടിച്ചില്‍ ഭീഷണി നിലനില്‍ക്കുകയാണ്.
English Summary:Heavy rains in Brazil; 16 dead, several missing
You may also like this video
