കനത്ത മഴയില്‍ ഗുജറാത്തിലെ പഞ്ച്മഹലില്‍ കുടിലിന് മുകളില്‍ മതില്‍ ഇടിഞ്ഞു വീണ് നാല് കുട്ടികള്‍ മരിച്ചു. ചിരിറാം ദാമോര്‍ (5), അഭിഷേക് ഭൂരിയ (4), ഗുന്‍ഗുന്‍ ഭൂരിയ (2), മുസ്‌കന്‍ ഭൂരിയ (5) എന്നിവരാണ് മരിച്ചത്. ഗുരുതരമായി പരിക്കേറ്റ നാല് പേരെ ആശുപത്രിയില്‍ പ്രവേശിപ്പിച്ചു. ഹലോലില്‍ ജിഐഡിസി മേഖലയിലെ ഫാക്ടറിയുടെ സമീപത്തെ മതിലാണ് ഇടിഞ്ഞു വീണത്. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.
കഴിഞ്ഞ ദിവസങ്ങളില്‍ അതിശക്തമായ മഴയാണ് ഉണ്ടായത്. ഗുജറാത്തില്‍ അടുത്ത രണ്ട് ദിവസവും കനത്ത മഴയ്ക്ക് സാധ്യതയെന്ന് കാലാവസ്ഥ വകുപ്പ് അറിയിച്ചു. ഗുജറാത്ത് മിനറല്‍ ഡെവലപ്‌മെന്റ് കോര്‍പ്പറേഷനില്‍ ജോലി ചെയ്തിരുന്ന കുടുംബം ഫാക്ടറിയുടെ സമീപം കുടില്‍ കെട്ടി താമസിക്കുകയായിരുന്നു.
English Summary:Heavy rains in Gujarat; Four children died when the wall collapsed above the hut
You may also like this video
