മുംബൈയില്‍ തുടര്‍ച്ചയായ മൂന്നാം ദിവസവും ശക്തിയായ മഴ തുടര്‍ന്നതോടെ ജനജീവിതം ദുസ്സഹമായി. ലോക്കല്‍ ട്രെയിന്‍ സര്‍വീസുകള്‍ തടസ്സപ്പെട്ടു. താഴ്ന്ന പ്രദേശങ്ങള്‍ വെള്ളക്കെട്ടിലായതോടെ റോഡ് ഗതാഗതം താറുമാറായി. മഹാരാഷ്ട്രയിലെ റായ്ഗഡ് ജില്ലയില്‍ മണ്ണിടിച്ചിലില്‍ മരിച്ചവരുടെ എണ്ണം 22 ആയി ഉയര്‍ന്നു. 98 പേരെ സുരക്ഷിതമായി രക്ഷപ്പെടുത്തി. 109 പേരെ കണ്ടെത്താനുള്ള നടപടികള്‍ പുരോഗമിക്കുകയാണ്. മുഖ്യമന്ത്രി ഏക്നാഥ് ഷിന്‍ഡെ സംഭവ സ്ഥലം സന്ദര്‍ശിച്ചു. മരിച്ചവരുടെ കുടുംബത്തിന് 5 ലക്ഷം രൂപ സര്‍ക്കാര്‍ ധന സഹായം പ്രഖ്യാപിച്ചു.
English Sammury: Heavy rains in Mumbai for the third day in a row
