തമി‌ഴ്‌നാട്ടില്‍ അതിതീവ്ര മഴ; ആറ് ജില്ലകളിൽ റെഡ് അലേര്‍ട്ട്

തമിഴ്നാട്ടില്‍ ശക്തമായ മഴയെ തുടര്‍ന്ന് ആറ് ജില്ലകളില്‍ ഇന്നും നാളെയും റെഡ് അലേര്‍ട്ട് നല്‍കി. ചെന്നൈ, കാഞ്ചീപുരം, ചെങ്കൽപേട്ട്, വിഴിപ്പുരം, തിരുവള്ളൂർ, തിരുവണ്ണാമലൈ ജില്ലകളിലാണ് ജാഗ്രതാ നിര്‍ദ്ദേശം നല്‍കിയത്. ഇന്നലെ വൈകിട്ടോടെയാണ് ചെന്നൈയില്‍ ശക്തമായ മഴ ആരംഭിച്ചത്. തുടര്‍ന്ന് നഗരത്തിന്റെ പല ഭാഗങ്ങളിലും വെള്ളകെട്ട് രൂപപ്പെടുകയും ജനജീവിതം ദുരിതത്തിലാക്കുകയും ചെയ്തു. 

പ്രദേശത്ത് ദേശീയ, സംസ്ഥാന ദുരന്ത നിവാരണ സേനകളേയും അഗ്നിരക്ഷാ സേനയേയും സജ്ജമാക്കി. 75000 പൊലീസുകാരയാണ് സംസ്ഥാനത്തുടനീളം വിന്യസിച്ചിട്ടുള്ളത്. ചെന്നൈയില്‍ 146 ദുരിതാശ്വാസ ക്യാമ്പുകൾ പ്രവർത്തിക്കുന്നുണ്ട്. 24 ജില്ലകളില്‍ കോളജുകള്‍ ഉള്‍പ്പെടെ വിദ്യാഭ്യാസ സ്ഥാപനങ്ങള്‍ക്ക് രണ്ട് ദിവസത്തെ അവധിയും നല്‍കി.

ENGLISH SUMMARY:Heavy rains in Tamil Nadu; Red Alert in six districts
You may also like this video