നാവിക സേനാ ആസ്ഥാനത്ത് ഹെലികോപ്റ്റർ അപകടത്തിൽ ഒരു മരണം. നാവിക സേനാ ആസ്ഥാനത്തെ ഐ എൻ എസ് ഗരുഡ റൺവേയിൽ പരിശീലന പറക്കലിനിടെ എൻ 479 ചേതക് ഹെലികോപ്റ്റർ ആണ് അപടത്തിൽപ്പെട്ടത്. ഇന്ന് ഉച്ചതിരിഞ്ഞ് 2.30നായിരുന്നു സംഭവം.
പറക്കുന്നതിനായുള്ള സിഗ്നൽ നൽകാൻ ഐഎൻഎസ് ഗരുഡ റൺവേയിൽ നിന്ന എയർ എൻജിനീയറിങ് വിഭാഗത്തിലെ ഉദ്യോഗസ്ഥനായ യോഗേന്ദ്ര യാദവ് (30) ആണ് മരിച്ചത്. മധ്യപ്രദേശിലെ ബിന്ധ് ജില്ലയിൽ നിന്നുള്ള നാവികനാണ്. അപകടത്തിൽ ഹെലികോപ്റ്ററിൽ ഉണ്ടായിരുന്ന രണ്ടുപേർക്ക് നിസാര പരിക്കേറ്റു.രണ്ടുപേരെയും നേവിയുടെ സഞ്ജീവനി ആശുപത്രിയിൽ പ്രവേശിപ്പിച്ചു.ഹാർബർ പൊലീസ് അപകടസ്ഥലത്ത് എത്തി പ്രാഥമിക പരിശോധന നടത്തി.
English Summary:Helicopter accident in Kochi; One died
You may also like this video
