വിഖ്യാത സാമ്പത്തിക ശാസ്ത്രജ്ഞനും നൊബേൽ ജേതാവുമായ അമർത്യാ സെന്നിന്റെ ശാന്തിനികേതനിലുള്ള സ്വത്തിന്റെ ഒരു ഭാഗം ഒഴിപ്പിക്കാനുള്ള വിശ്വഭാരതി സര്‍വകലാശാലയുടെ നീക്കം തടഞ്ഞ് കൊല്‍ക്കത്ത ഹൈക്കോടതി. മേയ് ആറിനകം ഭൂമി ഒഴിയണമെന്ന കേന്ദ്ര സർവകലാശാലയുടെ ഉത്തരവ് ഹൈക്കോടതി സ്റ്റേ ചെയ്തു. നിയമപരമായി സെന്നിന് 1.25 ഏക്കർ ഭൂമി മാത്രമാണ് കൈവശം വയ്ക്കാനാവുകയെന്നും 1.38 ഏക്കർ ഭൂമിക്ക് അവകാശമില്ലെന്നും സർവകലാശാല നോട്ടീസിൽ പറയുന്നു.
എന്നാൽ, ഭൂമി 100 വർഷത്തേക്ക് തന്റെ കുടുംബത്തിന് പാട്ടത്തിന് നൽകിയതാണെന്നും അതിന്റെ ഒരു ഭാഗം തന്റെ പിതാവ് എല്ലാ നിയമങ്ങളും ചട്ടങ്ങളും പാലിച്ച് വാങ്ങിയതാണെന്നും സെൻ പറഞ്ഞിരുന്നു. അടുത്ത കാലത്തായി കേന്ദ്ര സർക്കാരിന്റെ നയങ്ങളെ സെൻ വിമർശിച്ചിരുന്നു. പൗരത്വ ഭേദഗതി നിയമം നടപ്പാക്കുന്നത് ഭൂരിപക്ഷ ശക്തികളെ പ്രോത്സാഹിപ്പിക്കുന്നതിനൊപ്പം ന്യൂനപക്ഷങ്ങളുടെ പങ്ക് കുറയ്ക്കുമെന്ന് അദ്ദേഹം പറഞ്ഞിരുന്നു. സര്‍വകലാശാലയുടെ നീക്കം രാഷ്ട്രീയ പകപ്പോക്കലാണെന്ന് ആരോപണം ഉയര്‍ന്നിട്ടുണ്ട്.
English summary: High Court stops Amartya Sen’s land eviction
you may also like this video
