എംപ്ലോയീസ് പെൻഷൻ സ്‌കീമിന് (ഇപിഎസ്) കീഴിൽ ഉയർന്ന പെൻഷന് അപേക്ഷിക്കാനുള്ള സമയം നീട്ടി നല്‍കണമെന്നാവശ്യപ്പെട്ട് എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന്‍ കേന്ദ്ര സര്‍ക്കാരിനെ സമീപിച്ചു. സുപ്രീം കോടതി അനുവദിച്ച സമയപരിധി മാര്‍ച്ച് നാലിന് അവസാനിക്കാനിരിക്കെയാണ് ഇപിഎഫ്ഒയുടെ നീക്കം. അതേസമയം ഇപിഎഫ്ഒയുടെ ആവശ്യത്തില്‍ തൊഴില്‍ മന്ത്രാലയം തീരുമാനമൊന്നും എടുത്തിട്ടില്ല.
ഇപിഎസിനു കീഴിൽ ഉയർന്ന പെൻഷന് അപേക്ഷിക്കാനുള്ള മാനദണ്ഡം വിശദമാക്കിയുള്ള സര്‍ക്കുലര്‍ കഴിഞ്ഞ ആഴ്ച ഇപിഎഫ്ഒ പുറത്തിറക്കിയിരുന്നു. സമയപരിധി ദീര്‍ഘിപ്പിക്കണമെന്നാവശ്യപ്പെട്ട് നിരവധി തൊഴില്‍ ഉടമകളും തൊഴിലാളി സംഘടനകളും തങ്ങളെ സമീപിച്ചതിനാലാണ് വിഷയം തൊഴില്‍ മന്ത്രാലയത്തിന് വിട്ടതെന്നാണ് ഇപിഎഫ്ഒയുടെ പ്രതികരണം.
English Summary;Higher pension: EPFO to extend time
You may also like this video
