ജോഗിങ്ങിനിടെ ടെക് കമ്പനി സിഇഒ ആയ യുവതി വാഹനമിടിച്ച് കൊല്ലപ്പെട്ടു. മുംബൈയിലെ വോര്‍ളി ബീച്ചില്‍ പ്രാഭാത നടത്തത്തിനിടെയാണ് എസ് യു വി ഇടിച്ച് 42കാരിയായ രാജലക്ഷ്മി വിജയ് മരിച്ചത്. നഗരത്തിലെ ഐടി, ടെലികമ്മ്യൂണിക്കേഷന്‍ സ്ഥാപനമായ ആള്‍ട്രൂയിസ്റ്റ് ടെക്‌നോളജീസിന്റെ സിഇഒ ആണ് രാജലക്ഷ്മി. വാഹനമിടിച്ച് സംഭവസ്ഥലത്ത് വച്ച് തന്നെ രാജലക്ഷി മരിച്ചു. കാറിടിച്ച് ദൂരേക്ക് തെറിച്ചുവീണ രാജലക്ഷ്മിയുടെ തലയ്ക്ക് ഗുരുതരമായി പരുക്കേറ്റിരുന്നു. മുംബൈയിലെ ശിവാജി പാര്‍ക്കില്‍ നിന്നുള്ള ജോഗേഴ്‌സ് ഗ്രൂപ്പിലെ അംഗമായിരുന്നു ഇവര്‍. അതേസമയം അപടകമുണ്ടാക്കിയ കാറിന്റെ ഡ്രൈവര്‍ പരുക്കേറ്റ് ചികിത്സയിലാണ്.
English Summary;Hit by a car while jogging; Tech company CEO killed in Mumbai
You may also like this video
