ഭർത്താവുമായുള്ള വഴക്കിനെ തുടർന്ന് യുവതി മൂന്ന് മാസം പ്രായമുള്ള കുഞ്ഞിനെ കഴുത്തറുത്ത് കൊലപ്പെടുത്തി. വടക്കുപടിഞ്ഞാറൻ ഡൽഹിയിലെ ഷാലിമാർ ബാഗിൽ താമസിക്കുന്ന അഞ്ജലി ദേവി(26) യാണ് ഭര്‍ത്താവുമായുള്ള കലഹത്തെ തുടര്‍ന്ന് കുഞ്ഞിനെ കൊലപ്പെടുത്തയത്.
ഇവരെ അറസ്റ്റുചെയ്ത് കൊലപാതകക്കുറ്റത്തിന് കേസെടുത്തതായി പൊലീസ് പറഞ്ഞു.
വ്യാഴാഴ്ച ഉച്ചയ്ക്ക് 2.14 ഓടെയാണ് കുഞ്ഞിനെ അമ്മ കൊലപ്പെടുത്തിയതെന്ന് പൊലീസ് പറഞ്ഞു. കുഞ്ഞിനെ കഴുത്തറുത്താണ് അഞ്ജലി ദേവി കൊലപ്പെടുത്തിയതെന്ന് ഡെപ്യൂട്ടി പൊലീസ് കമ്മീിഷണർ (നോർത്ത് വെസ്റ്റ്) ഉഷാ രംഗ്‌നാനി പറഞ്ഞു.വ്യാഴാഴ്ച രാവിലെ ദേവി ഭർത്താവുമായി വഴക്കിട്ടിരുന്നു. ഭർത്താവ് ജോലിക്ക് പോയപ്പോൾ ദേഷ്യത്തിൽ കുഞ്ഞിനെ കൊലപ്പെടുത്തുകയായിരുന്നുവെന്ന് യുവതി പറഞ്ഞു.
ഇന്ത്യൻ ശിക്ഷാനിയമത്തിലെ 302ാം വകുപ്പ് പ്രകാരം കൊലപാതകത്തിന് കേസെടുത്തിട്ടുണ്ടെന്നും പ്രതിയായ സ്ത്രീയെ അറസ്റ്റ് ചെയ്തിട്ടുണ്ടെന്നും ഡിസിപി പറഞ്ഞു. കുട്ടിയുടെ മൃതദേഹം പോസ്റ്റ്‌മോർട്ടത്തിന് അയച്ച ശേഷം കുടുംബത്തിന് വിട്ടുനൽകുമെന്ന് ഡിസിപി കൂട്ടിച്ചേർത്തു.
English Summary: Home dispute: A three-month-old baby boy was strangled to death by his mother
You may like this video also
