മംഗലാപുരത്ത് ആശുപത്രിയില്‍ അതിക്രമം നടത്തിയ മലയാളിക്ക് എതിരെ കേസ്. ജീവനക്കാരെ ഉള്‍പ്പെടെ അസഭ്യം വിളിക്കുകയും കൈയേറ്റത്തിന് മുതിരുകയും ചെയ്ത സംഭവത്തിനെതിരെയാണ് പരാതി. സമൂഹമാധ്യമങ്ങളില്‍ ആശുപത്രിയെ അധിക്ഷേപിച്ചതായും പരാതിയിലുണ്ട്.
ഇന്‍ഡ്യാന ഹോസ്പിറ്റല്‍ ആന്‍ഡ് ഹാര്‍ട്ട് ഇന്‍സ്റ്റിറ്റ്യൂട്ടില്‍ ആക്രമണം നടത്തിയെന്ന പരാതിയിലാണ് മലയാളി യുവാവിനെതിരെ പൊലീസ് കേസെടുത്തത്. ഇഖ്ബാല്‍ ഉപ്പള എന്ന വ്യക്തിക്കെതിരെയാണ് കേസ്. പിതാവിന്റെ ഹെല്‍ത്ത് ഇന്‍ഷുറന്‍സ് ക്ലെയിം കമ്പനി നിരസിച്ചത് ആശുപത്രിയുടെ പിഴവാണെന്ന് ആരോപിച്ച് ആയിരുന്നു യുവാവിന്റെ അതിക്രമം.