ഝാർഖണ്ഡിലെ ധൻബാദിലെ സ്വകാര്യ നഴ്സിങ് ഹോമിലുണ്ടായ തീപിടിത്തത്തിൽ രണ്ട് ഡോക്ടർമാരടക്കം അഞ്ച് പേർ മരിച്ചു. മെഡിക്കൽ സ്ഥാപന ഉടമ ഡോ. വികാസ് ഹസ്ര, ഭാര്യയായ ഡോ. പ്രേമ ഹസ്ര, ഉടമയുടെ അനന്തരവൻ സോഹൻ ഖമാരി, വീട്ടുജോലിക്കാരി താരാദേവി എന്നിവരും മരിച്ചവരില്‍ ഉൾപ്പെടുന്നു.
ധൻബാദിലെ ബാങ്ക് മോർ ഏരിയയിലുള്ള നഴ്സിങ് ഹോം-കം-പ്രൈവറ്റ് ഹൗസിന്റെ സ്റ്റോർ റൂമിൽ പുലർച്ചെ രണ്ട് മണിയോടെയാണ് തീപിടിത്തമുണ്ടായത്. “സ്റ്റോർ റൂമിലുണ്ടായ തീപിടിത്തത്തെ തുടർന്ന് ഉടമയും ഭാര്യയുമുൾപ്പെടെ അഞ്ച് പേര്‍ ശ്വാസം മുട്ടിയാണ് മരിച്ചത്. ഒരാൾക്കും പരിക്കേറ്റിട്ടുണ്ട്. തീപിടിത്തത്തിന് കാരണം വ്യക്തമായിട്ടില്ല, സംഭവത്തില്‍ കൂടുതൽ അന്വേഷണം നടന്നുവരികയാണ്” ധൻബാദ് സബ് ഡിവിഷണൽ മജിസ്‌ട്രേറ്റ് (എസ്ഡിഎം) പ്രേം കുമാർ തിവാരി പറഞ്ഞു. മരിച്ചവരില്‍ നാലുപേരെ തിരിച്ചറിഞ്ഞിട്ടുണ്ടെന്നും അഞ്ചാമത്തെ ആളെ ഇനിയും തിരിച്ചറിയാനുണ്ടെന്നും അദ്ദേഹം കൂട്ടിച്ചേർത്തു.
English Summary: Hospital fire: Five people, including doctors, were burnt to death
You may like this video also
