കോഴിക്കോട് വളയം മാരാംകണ്ടിയില്‍ വീട് നിര്‍മ്മാണത്തിനിടെ സണ്‍ ഷെയ്ഡ് തകര്‍ന്നുവീണ് രണ്ട് പേര്‍ മരിച്ചു. രണ്ടുപേര്‍ക്ക് പരിക്കേറ്റു. വളയം മാരാംകണ്ടി സ്വദേശികളായ ആലിച്ചേരി കണ്ടി വിഷ്ണു (30), കൊമ്മോട്ട് പൊയില്‍ നവജിത്ത് (32) എന്നിവരാണ് മരിച്ചത്. ബുധനാഴ്ച്ച രാവിലെ പത്തരയോടെയാണ് അപകടം.
കുറുവന്തേരിയിലെ മാവിലേന്റ് വിട രജില്‍, മരാംങ്കണ്ടിയിലെ ചാലില്‍ ലിഗേഷ് എന്നിവര്‍ക്കാണ് പരിക്കേറ്റത്. ഇവരെ കോഴിക്കോട് മെഡിക്കല്‍ കോളജിലേക്ക് മാറ്റി. മരിച്ച നവജിത്തിന്റ സഹോദരന്‍ ശ്രീബേഷിന്റ നിര്‍മ്മാണത്തിലിരിക്കുന്ന വീടിന്റ രണ്ടാം നിലയിലെ കോണ്‍ക്രീറ്റിന്റ ഭാഗമാണ് തകര്‍ന്നു വീണത്.
English Summary: house collapse in nadapuram ; two dead
You may also like this video
