ചരക്കുകപ്പലിനു നേരെ ചെങ്കടലില്‍ ഹൂതി മിസൈൽ ആക്രമണം. ആക്രമണത്തിൽ കപ്പൽ ജീവനക്കാരായ മൂന്ന് പേർ കൊല്ലപ്പെട്ടു. നാലുപേർക്ക് പരിക്കേറ്റു. അതേസമയം മൂന്ന് പേരുടെ പരിക്ക് ഗുരുതരമാണ്. ആക്രമണത്തിൽ കപ്പലിന് സാരമായ നാശനഷ്ടങ്ങൾ സംഭവിച്ചിട്ടുണ്ട്. ഇതാദ്യമായാണ് ചെങ്കടലിൽ ആക്രമണത്തിൽ കപ്പല്‍ ജീവനക്കാർ കൊല്ലപ്പെടുന്നത്.
ഏദൻ കടലിടുക്കിൽ വച്ചാണ് കരീബിയൻ രാജ്യമായ ബാർബഡോസിന്റെ പതാകയുള്ള ചരക്കു കപ്പലിനു നേർക്ക് ഹൂതി വിമതരുടെ ആക്രമണമുണഅടായത്. ലൈബീരിയയുടെ ഉടമസ്ഥതയിലുള്ളതാണ് ആക്രമണത്തിനിരയായ ട്രൂ കോൺഫിഡന്റ് എന്ന കപ്പൽ. ബാർബഡോസിലേക്ക് സർവീസ് നടത്തിയത്. ആക്രമണത്തിൽ കപ്പലിനു തീപിടിച്ചതായി വിവരമുണ്ട്.
ഇസ്രയേലിന്റെ പലസ്തീൻ ആക്രമണത്തിനു പിന്നാലെ കഴിഞ്ഞ നവംബർ മുതലാണ് ഹൂതി വിമതർ ചെങ്കടലിൽ കപ്പലുകൾക്കു നേരെ ആക്രമണം ആരംഭിച്ചത്. രണ്ട് ദിവസത്തിനിടെ അഞ്ചാമത്തെ ആക്രമണമാണിത്.
English Summary:Houthi missile attack on cargo ship; Three employees were killed
You may also like this video
