എരുമേലിയിൽ രേഖകളില്ലാതെ കടത്തിയ 60 ലക്ഷം രൂപ പിടികൂടി. എരുമേലി കെഎസ്ആർടിസി ബസ്റ്റാൻഡിൽ സമീപത്തുനിന്നും കുഴൽപ്പണവുമായെത്തിയ ഒരാളെയാണ് പൊലീസ് പിടികൂടിയത്. ബാംഗ്ലൂരിൽ നിന്നും എരുമേലിയിലേക്ക് കെഎസ്ആർടിസി വഴി എത്തിക്കാൻ ശ്രമിച്ച പണമാണ് പിടിച്ചെടുത്തത്. ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എരുമേലി പൊലീസും സ്പെഷ്യൽ സ്ക്വാഡും നടത്തിയ പരിശോധനയിലാണ് രേഖകളില്ലാത്ത പണം പിടിച്ചെടുത്തത്. 500 രൂപയുടെയും 200 രൂപയുടെയും നോട്ടുകെട്ടുകളാണ് പ്രതിയിൽ നിന്നും കണ്ടെടുത്തത്. പൊലീസ് കൂടുതൽ ചോദ്യം ചെയ്തു വരികയാണ്.
എരുമേലിയിൽ വൻ കുഴൽപ്പണ വേട്ട; 60 ലക്ഷം രൂപ പിടികൂടി
