ജാർഖണ്ഡിലെ റാഞ്ചി ജില്ലയിലെ വനത്തിൽ ഭാര്യയുടെയും രണ്ട് ആൺമക്കളുടെയും കത്തിക്കരിഞ്ഞ മൃതദേഹങ്ങൾ കണ്ടെത്തിയ സംഭവത്തില്‍ ഭര്‍ത്താവ് അറസ്റ്റിലായി.
സംസ്ഥാന തലസ്ഥാനമായ റാഞ്ചിയിൽ നിന്ന് 30 കിലോമീറ്റർ അകലെ താക്കൂർഗാവ് പൊലീസ് സ്റ്റേഷൻ പരിധിയിലുള്ള വനത്തിൽ ബുധനാഴ്ചയാണ് കത്തിക്കരിഞ്ഞ മൃതദേഹങ്ങൾ കണ്ടെത്തിയതെന്ന് മുതിർന്ന ഉദ്യോഗസ്ഥൻ പറഞ്ഞു.
“ഫോറൻസിക് വിദഗ്ധരുടെ സംഘം സ്ഥലത്ത് നിന്ന് സാമ്പിളുകൾ ശേഖരിച്ചു. മൃതദേഹങ്ങൾ പോസ്റ്റ്‌മോർട്ടത്തിന് അയച്ചിട്ടുണ്ട്,” ഖലാരി ഡെപ്യൂട്ടി പോലീസ് സൂപ്രണ്ട് അനിമേഷ് നൈതാനി പറഞ്ഞു.
ഏപ്രിൽ മൂന്നിന് ഭാര്യയും രണ്ട് ആൺമക്കളും കാണാതായെന്ന് കാണിച്ച് ഇയാള്‍ പൊലീസില്‍ പരാതി നല്‍കിയിരുന്നു. തുടര്‍ന്ന് നടത്തിയ അന്വേഷണത്തിലാണ് കത്തിക്കരിഞ്ഞനിലയില്‍ ഇവരുടെ മൃതദേഹം കണ്ടെത്തിയത്. ഇരുവരും തമ്മില്‍ വഴക്കുണ്ടായതായും കണ്ടെത്തിയിട്ടുണ്ട് സംഭവത്തില്‍ കൂടുതല്‍ അന്വേഷണങ്ങള്‍ പുരോഗമിക്കുകയാണെന്നും പൊലീസ് പറഞ്ഞു.
English Summary: Husband arrested in case of death of wife and sons due to burns
You may also like this video
