തലശേരിപുന്നോലില്‍ ബിജെപി–സിപിഐഎം സംഘര്‍ഷത്തിന്റെ തുടര്‍ച്ചയായി ബിജെപി നേതാവ് പ്രകോപനപരമായി സംസാരിക്കുന്ന വിഡിയോ പുറത്ത്. ബിജെപി കൗണ്‍സിലര്‍ വിജേഷ് പ്രതിഷേധ പരിപാടിക്കിടെ പ്രസംഗിക്കുന്ന വിഡിയോ ആണ് ഇപ്പോള്‍ പ്രചരിക്കുന്നത്.
വളരെ ആസൂത്രിതമായി കോലോത്ത് ക്ഷേത്രത്തിൽവച്ച് സിപിഐഎം കൊടും ക്രിമിനലുകളായിട്ടുള്ള രണ്ടു പേർ നേതൃത്വം നൽകിക്കൊണ്ട് നമ്മുടെ സഹപ്രവർത്തകരെ അതിക്രൂരമായി ആക്രമിച്ച സംഭവം വളരെ വൈകാരികമായിട്ടാണ് സംഘപരിവാർ പ്രവർത്തകർ ഏറ്റെടുത്തിട്ടുള്ളത്. നമ്മുടെ പ്രവർത്തകരുടെ മേൽ കൈവച്ചവരെ എങ്ങനെയാണ് കൈകാര്യം ചെയ്യേണ്ടതെന്ന കൃത്യമായ ബോധ്യം നമുക്ക് എല്ലാവർക്കുമുണ്ട്. അതെങ്ങനെയാണ് കൈകാര്യം ചെയ്യുകയെന്ന് കഴിഞ്ഞ കാലങ്ങളിലുള്ള ചരിത്രം പരിശോധിച്ചാൽ ഇവിടെയുള്ള സിപിഎം നേതാക്കൾക്ക് മനസ്സിലാകം.
പക്ഷെ സമാധാന അന്തരീക്ഷം നിലനിൽക്കുന്ന ഈ പ്രദേശത്ത് കൊടുംക്രിമിനലുകളായിട്ടുള്ള രണ്ടു പേരുടെ തോന്ന്യാസത്തിന് നമ്മുടെ നാട് അശാന്തിയിലേക്ക് പോകേണ്ടതില്ല, ജനങ്ങളുടെ മുന്നിൽ ഇത് തുറന്നു കാട്ടുന്നതിനാണ് ഈ പ്രതിഷേധ പ്രകടനം നടത്തുന്നത്.’– ബിജെപി നേതാവ് പറഞ്ഞു.
English Sumamry: I know how to deal with it ‘: BJP leader’s provocative speech
You may also like thsi video:
