ഡൽഹി മദ്യനയക്കേസിൽ കുറ്റവിമുക്തനായതിന് പിന്നാലെ നരേന്ദ്ര മോഡിയെ വെല്ലുവിളിച്ച് ആംആദ്മി പാർട്ടി നേതാവും ഡൽഹി മുൻ മുഖ്യമന്ത്രിയുമായിരുന്ന അരവിന്ദ് കെജ്രിവാൾ. ധൈര്യമുണ്ടെങ്കിൽ ഡൽഹിയിൽ വീണ്ടുമൊരു തെരഞ്ഞെടുപ്പ് നടത്തി പത്ത് സീറ്റിൽ കൂടുതൽ ബിജെപി നേടി കാണിക്കൂ എന്നും എങ്കിൽ രാഷ്ട്രീയം അവസാനിപ്പിക്കാം എന്നായിരുന്നു അരവിന്ദ് കെജ്രിവാളിന്റെ വെല്ലുവിളി. സ്വതന്ത്ര ഇന്ത്യ കണ്ട ഏറ്റവും വലിയ രാഷ്ട്രീയ ഗൂഢാലോചനയാണ് ഡൽഹി മദ്യനയ കേസെന്ന് കെജ്രിവാൾ പറഞ്ഞു. നരേന്ദ്ര മോഡിയും അമിത് ഷായും തങ്ങളുടെ അധികാരമോഹത്തിനായി ഡൽഹിയെ നശിപ്പിച്ചുവെന്നും അദ്ദേഹം കൂട്ടിച്ചേർത്തു.
ബിജെപി 10ൽ കൂടുതൽ സീറ്റുനേടിയാൽ രാഷ്ട്രീയം അവസാനിപ്പിക്കാം; മോഡിയെ വെല്ലുവിളിച്ച് അരവിന്ദ് കെജ്രിവാൾ
