ഐ‌ഡി‌ബി‌ഐ ബാങ്കിന്റെ ഓഹരികൾ‌ക്കായി നിരവധി ആവശ്യക്കാര്‍ എത്തിയതായി കേന്ദ്രസര്‍ക്കാര്‍. താല്പര്യപത്രം സമര്‍പ്പിക്കുന്നതിനുള്ള സമയപരിധി ഇന്നലെയാണ് അവസാനിച്ചത്. ഐ‌ഡി‌ബി‌ഐ ബാങ്കിന്റെ 94.71 ശതമാനം ഓഹരിയും കേന്ദ്രസര്‍ക്കാര്‍, ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ(എല്‍ഐസി) ഉടമസ്ഥതയിലാണ്. 45.48 ശതമാനം ഓഹരിയുള്ള കേന്ദ്രസര്‍ക്കാര്‍ 30.48 ശതമാനം ഓഹരികൾ വിറ്റഴിക്കാനാണ് നീക്കം. എൽ‌ഐ‌സിക്ക് ഐഡിബിഐയിലുള്ള 49.24 ശതമാനം ഓഹരികളില്‍ 30.24 ശതമാനവും വിൽക്കും.
22,500 കോടിയെങ്കിലും വാര്‍ഷികവരുമാനമുള്ള കമ്പനികള്‍ക്കായിരുന്നു താല്പര്യപത്രം സമര്‍പ്പിക്കാന്‍ അര്‍ഹത. കണ്‍സോര്‍ഷ്യങ്ങളില്‍ നാലംഗങ്ങള്‍ മാത്രമേ ആകാവൂ എന്നും വ്യവസ്ഥ ചെയ്തിരുന്നു. താല്പര്യപത്രങ്ങള്‍ ലഭിച്ചതോടെ ഓഹരി വിറ്റഴിക്കല്‍ നടപടികള്‍ രണ്ടാം ഘട്ടത്തിലേക്ക് കടക്കുകയാണെന്നും ഇന്‍വെസ്റ്റ്മെന്റ് ആന്‍ഡ് പബ്ലിക് അസെറ്റ് മാനേജ്മെന്റ് വകുപ്പ് സെക്രട്ടറി തുഹിന്‍ കാന്ത പാണ്ഡെ ട്വിറ്ററിലൂടെ അറിയിച്ചു.
English Summary: IDBI sale: Several companies with expressions of interest
You may also like this video
