ഐജി പി വിജയനെ സർവീസിൽ നിന്ന്‌ സസ്പെന്റ് ചെയ്‌തു. കോഴിക്കോട്‌ എലത്തൂർ തീവണ്ടി തീവയ്പുകേസിൽ പ്രതിയെ കൊണ്ടുവരുന്ന വിവരം ചോർന്നതുമായി ബന്ധപ്പെട്ട്‌ ആഭ്യന്തരവകുപ്പ്‌ പ്രഖ്യാപിച്ച അന്വേഷണത്തിന്റെ ഭാഗമായാണ്‌ നടപടി.
അന്വേഷണത്തിന്റെ ഭാഗമല്ലാതിരുന്ന ഐജി പി വിജയൻ, ഗ്രേഡ്‌ എസ്ഐ കെ മനോജ്‌ കുമാർ എന്നിവർ പ്രതിയുമായി വന്ന പൊലീസ്‌ സംഘത്തെ ബന്ധപ്പെട്ടിരുന്നു. ഈ ഉദ്യോഗസ്ഥരിൽ നിന്നാണോ വിവരം ചോർന്നത്‌ എന്ന്‌ കണ്ടെത്തുന്നതിന്‌ ഇരുവരെയും മാറ്റിനിർത്തി അന്വേഷണം നടത്താനാണ്‌ നിർദേശം. പൊലീസ്‌ ആസ്ഥാനത്തെ എഡിജിപി കെ പത്മകുമാറിനാണ്‌ അന്വേഷണച്ചുമതല.
english summary;IGP Vijayan suspended
you may also like this video;
