അനധികൃതമായി പശുക്കളെ കടത്തിയ സംഭവത്തിൽ ബിജെപി പ്രവർത്തകർ ഉൾപ്പെടെ നാലുപേരെ കർണാടക പൊലീസ് അറസ്റ്റ് ചെയ്തു. സംഭവത്തില്‍ ആറ് പശുക്കളെയും രണ്ട് പശുക്കിടാക്കളെയും കണ്ടെത്തുകയും മൂന്ന് വാഹനങ്ങൾ പിടികൂടുകയും ചെയ്തു. കര്‍ണാകടയിലെ ധർമസ്ഥലയിലാണ് സംഭവം.
ബെൽത്തങ്ങാടി താലൂക്കിലെ മൊർതാജെ സ്വദേശി പ്രമോദ് സല്യാൻ, ഒലഗഡ്ഡെ സ്വദേശി പുഷ്പരാജ്, അർക്കൽഗുഡ് സ്വദേശി ചന്നകേശവ, ഹാസൻ ജില്ലയിലെ ഹോളനരസിപുര സ്വദേശി സന്ദീപ് ഹിരേബെലഗുളി എന്നിവരാണ് അറസ്റ്റിലായത്.
രഹസ്യവിവരം ലഭിച്ചതിനെ തുടർന്ന് ധർമസ്ഥല പൊലീസ് നടത്തിയ തെരച്ചിലിലാണ് അനധികൃതമായി പശുക്കളെ കടത്തുന്ന വാഹനങ്ങൾ ശ്രദ്ധയില്‍പ്പെട്ടത്. പശുക്കളെ കുത്തിനിറച്ച് കടത്താന്‍ ശ്രമിക്കവെയാണ് സംഘം പിടിയിലായത്. വിൽക്കാനായാണ് ഇവയെ കടത്തി കൊണ്ടുപോയതെന്നും അന്വേഷണത്തിൽ കണ്ടെത്തി. പശുക്കളെയും പശുക്കുട്ടികളെയും വാഹനങ്ങളെയും പൊലീസ് കസ്റ്റഡിയിലെടുത്തിട്ടുണ്ട്. വിഷയത്തിൽ കൂടുതൽ അന്വേഷണം നടന്നുവരികയാണ്.
English Summary: Illegal cow smuggling: Four people including BJP workers arrested
You may also like this video
