അസമില്‍ കസ്റ്റഡി മരണത്തില്‍ പ്രതിഷേധിച്ച് ജനങ്ങള്‍ പൊലീസ് സ്റ്റേഷന് ആക്രമിച്ചു. മത്സ്യ വ്യാപാരിയായ സഫീഖുൽ ഇസ്ലമാണ് നാഗുൺ പൊലീസ് കസ്റ്റഡിയിൽ മരണപെട്ടത്. പ്രതിഷേധക്കാര്‍ പൊലീസ് സ്റ്റേഷന് തീയിടുകയായിരുന്നു. പൂര്‍ണമായും പൊലീസ് സ്റ്റേഷന് കത്തിനശിച്ചിരുന്നു. തട്ടിപ്പ് കേസുമായി ബന്ധപ്പെട്ടാണ് ഇസ്ലാമിനെ പൊലീസ് കസ്റ്റഡിയിലെടുത്തത്. ജനങ്ങള്‍ സ്റ്റേഷന് നേരെ അക്രമം അഴിച്ചുവിടുന്ന ദൃശ്യങ്ങള്‍ പുറത്ത് വന്നിരുന്നു.
പൊലീസ് ഇയാളെ മര്‍ദിച്ചു കൊലപ്പെടുത്തിയെന്നാണ് നാട്ടുകാര്‍ ആരോപിക്കുന്നത്. സ്ത്രീകളും പുരുഷന്‍മാരും പൊലീസ് സ്റ്റേഷനു നേരെ കല്ലെറിഞ്ഞു. പൊലീസുകാരെ ഇവര്‍ പിടിച്ചിറക്കി മര്‍ദിക്കുകയായിരുന്നു.
English Summary:In Assam, people set fire to a police station alleging custodial death
You may also like this video
