ഗുജറാത്തില്‍ ഉപ്പ് ഫാക്ടറിയുടെ ഭിത്തി ഇടിഞ്ഞുവീണ് 12 തൊഴിലാളികള്‍ മരിച്ചു.മോർബിയിലെ ഹൽവാദ് ജിഐഡിസിയിലെ ഉപ്പ് ഫാക്ടറിയിലാണ് അപകടം. സംഭവത്തില്‍ 20 പേർക്ക് പരിക്കേൽക്കുകയും ചെയ്തു.ചാക്കിൽ ഉപ്പ് നിറയ്ക്കുന്ന നടപടി പുരോഗമിക്കുന്നതിനിടെയാണ് സംഭവമെന്ന് ജില്ലാ കളക്ടർ പറഞ്ഞു. 30 ഓളം തൊഴിലാളികള്‍ അപകടത്തില്‍പ്പെട്ടു.തൊഴിലാളികളുടെ മരണത്തിൽ പ്രധാനമന്ത്രി നരേന്ദ്ര മോഡി അനുശോചനം രേഖപ്പെടുത്തുകയും മരിച്ചവരുടെ കുടുംബങ്ങൾക്ക് രണ്ട് ലക്ഷം രൂപ വീതം നഷ്ടപരിഹാരം പ്രഖ്യാപിക്കുകയും ചെയ്തു.
English Summary: In Gujarat, 12 workers were killed when the wall of a salt factory collapsed
You may like this video also
