കണ്ണൂർ ചെമ്പല്ലിക്കുണ്ട് പുഴയിൽ ചാടിമരിച്ച റീമയുടെ കുഞ്ഞിന്റെ മൃതദേഹം കണ്ടെത്തി. ചെമ്പല്ലിക്കുണ്ട് പാലത്തിന്റെ താഴെ നിന്നാണ് മൂന്ന് വയസുകാരൻറെ മൃതദേഹം കണ്ടെത്തിയത്. കുട്ടിയുടെ അമ്മ റീമയുടെ മൃതദേഹം കഴിഞ്ഞ ദിവസം കണ്ടെത്തിയിരുന്നു. ഭർതൃ വീട്ടിലെ മാനസിക പീഡനത്തിൽ മനംനൊന്താണ് ആത്മഹത്യ എന്നായിരുന്നു റീമയുടെ കുടുംബത്തിന്റെ ആരോപണം. കേസിൽ പൊലീസിന്റെ അന്വേഷണം തുടരുകയാണ്.
മകനെ ഷാള് ഉപയോഗിച്ച് ശരീരത്തോട് ചേര്ത്ത് കെട്ടിവെച്ചാണ് റീമ പുഴയില് ചാടിയത്. ഈ സമയം പുഴയില് ചൂണ്ടയിടുകയായിരുന്ന യുവാവ് റീമ ചാടുന്നത് കണ്ടു. തുടര്ന്ന് നടത്തിയ തിരച്ചിലില് പാലത്തില് നിന്ന് 200 മീറ്റര് അകലെ നിന്ന് റീമയുടെ മൃതദേഹം കണ്ടെത്തുകയായിരുന്നു.