സര്ക്കാര് ജീവനക്കാര് മരിച്ചാല് കുടുംബാംഗങ്ങള്ക്ക് ജോലി നല്കുന്ന ആശ്രിത നിയമനം പാകിസ്ഥാന് റദ്ദാക്കി.നയം ഭരണഘടനാ വിരുദ്ധവും വിവേചനപരവുമാണെന്ന് ചൂണ്ടിക്കാട്ടിയാണ് തീരുമാനം. 2024 ഒക്ടോബര് 18ലെ സുപ്രീംകോടതി വിധിയെ തുടര്ന്നാണ് സര്ക്കാര് നടപടി.
പുതിയ മാര്ഗ്ഗനിര്ദ്ദേശങ്ങള് കര്ശനമായി പാലിക്കാന് സംസ്ഥാന മന്ത്രാലയങ്ങള്ക്ക് നിര്ദ്ദേശം നല്കി.മരിച്ച ജീവനക്കാരുടെ കുടുംബാംഗങ്ങൾക്ക് പ്രധാനമന്ത്രിയുടെ സഹായ പാക്കേജിനു കീഴിലുള്ള മറ്റ് ആനുകൂല്യങ്ങൾക്ക് അർഹതയുണ്ടായിരിക്കും. ഭീകരാക്രമണത്തിൽ ജീവൻ നഷ്ടപ്പെടുന്ന നിയമപാലകരുടെ കുടുംബാംഗങ്ങൾക്ക് വിധി ബാധകമല്ല. സുപ്രീം കോടതിയുടെ വിധിക്ക് മുൻപ് നടത്തിയ നിയമനങ്ങളെയും വിധി ബാധിക്കില്ല.