പ്രായപൂർത്തിയാകാത്ത പെൺകുട്ടിയെ അവള്‍ താമസിക്കുന്ന വീട്ടിൽ എത്തി പീഡിപ്പിച്ച് കേസിലെ പ്രതിക്ക് 46 വർഷം കഠിന തടവും, ഒന്നര ലക്ഷം രൂപ പിഴയും ശിക്ഷ വിധിച്ചു.
2018 ൽ ആണ് സംഭവം. ചെർപ്പുളശ്ശേരി പോലീസ് രജിസ്റ്റർ ചെയ്ത കേസിലെ പ്രതിയായ നെല്ലായ ഏഴുവന്തല കാട്ടിരിക്കുന്നത്ത് വീട്ടിൽ ആനന്ദനാണ് (47) പട്ടാമ്പി ഫാസ്റ്റ് ട്രാക്ക് സ്പെഷ്യൽ കോർട്ട് ജഡ്ജ് സതീഷ് കുമാർ ശിക്ഷ വിധിച്ചത്.
അന്നത്തെ സർക്കിൾ ഇന്‍സ്പെക്ടര്‍ ദീപകുമാർ, മനോഹരൻ എന്നിവരാണ് അന്വേഷണം നടത്തിയത്. ബന്ധുവും പ്രായ പൂര്‍ത്തിയാകാത്തതുമായ പെണ്‍കിട്ടിയെ വീട്ടില്‍ ആളില്ലാത്ത സമയത്ത് അതിക്രമിച്ചു കയറി ലൈംഗികാതിക്രമം നടത്തിയ കേസിലെ പ്രതി അനുകമ്പ അര്‍ഹിക്കുന്നില്ലെന്നും കോടതി പറഞ്ഞു. വീട്ടല്‍ അതിക്രമിച്ചു കടക്കല്‍, പ്രായപൂര്‍ത്തിയാകാത്ത പെണ്‍കുട്ടിയോട് അതിക്രമം, പീഡനം, ഭീഷണി തുടങ്ങി വിവിധ കേസുകളാണ് തടവ് 46 വര്‍ഷം വരെ ഉയര്‍ന്നത്.
പ്രോസീക്യൂഷന് വേണ്ടി സ്പെഷ്യൽ പബ്ലിക് പ്രോസീക്യൂട്ടർ എസ്. നിഷ ഹാജരായി. കേസിൽ പ്രൊസിക്യൂഷൻ ഭാഗത്തു നിന്നും 15 സാക്ഷികളെ വിസ്തരിച്ചു. 19 രേഖകൾ ഹാജരാക്കി. പ്രതിക്ക് അപ്പീല്‍ നല്‍കുന്നതിന് അവസരം ലഭിക്കും.
english summary; In the Pocso case, the accused was sentenced to 46 years rigorous imprisonment and fined Rs 1.5 lakh
you may also like this video;
