2021 ഡിസംബർ ഒന്നിനും ജനുവരി 26 നും ഇടയിലായി 73 തീവ്രവാദികളും 28 സുരക്ഷാ ഉദ്യോഗസ്ഥരും കൊല്ലപ്പെട്ടതായി കേന്ദ്രം അറിയിച്ചു. കൂടാതെ ഈ പ്രദേശത്ത് രണ്ട് പ്രദേശവാസികള്‍ കൊല്ലപ്പെട്ടതായും കേന്ദ്രസര്‍ക്കാര്‍ ചോദ്യത്തിന് മറുപടിയായി പാര്‍ലമെന്റില്‍ അറിയിച്ചു.
2019 ഓഗസ്റ്റ് അഞ്ചിനും 2021 നവംബർ 30 നും ഇടയിൽ കൊല്ലപ്പെട്ട തീവ്രവാദികളുടെ എണ്ണം 366ഉം സുരക്ഷാ സേനയില്‍ 81 അംഗങ്ങൾ ജമ്മുവിൽ കൊല്ലപ്പെട്ടതായും ആഭ്യന്തര സഹമന്ത്രി നിത്യാനന്ദ് റായ് പറഞ്ഞു. ജമ്മു കശ്മീരിന്റെ പ്രത്യേക പദവി റദ്ദാക്കിയതിന് ശേഷം 439 തീവ്രവാദികളെ വധിച്ചു. 98 പ്രദേശവാസികളും 109 സുരക്ഷാ ഉദ്യോഗസ്ഥരും കൊല്ലപ്പെട്ടു. ഇക്കാലയളവില്‍ 541 ഭീകരാക്രമണങ്ങള്‍ കശ്മീരില്‍ നടന്നുവെന്നും കേന്ദ്രമന്ത്രി അറിയിച്ചു.
ENGLISH SUMMARY:In two months, 73 militants and 28 security personnel were killed in Kashmir
You may also like this video
