പി ഭാസ്കരൻ മാസ്റ്റർ മ്യൂസിക് ക്ലബ്ബ് പ്രവർത്തനോത്ഘാടനം കേരള സോഷ്യൽ സെൻറർ പ്രസിഡൻറ് എ കെ ബീരാൻകുട്ടി നിർവഹിച്ചു.
അബുദാബി കേരള സോഷ്യൽ സെൻ്റിൽ നടന്ന ചടങ്ങിൽ യുവകലാസാഹിതി അബുദാബി പ്രസിഡന്റ് ആർ ശങ്കറിന്റെ അദ്ധ്യക്ഷതയിൽ ചേർന്ന യോഗത്തിൽ മലയാളി സമാജം പ്രസിഡന്റ് റഫീഖ് കാനയിൽ, യുവകലാസാഹിതി സെൻട്രൽ പ്രസിഡൻ്റ് സുഭാഷ് ദാസ്, അരുൺ ശ്യാം, മനു കൈനകരി, ചന്ദ്രശേഖരൻ, രാകേഷ് നമ്പ്യാർ തുടങ്ങിയവർ പ്രസംഗിച്ചു.
2024–2025 വർഷത്തെ ഭാരവാഹികളെ യോഗം തിരഞ്ഞെടുത്തു.ചെയർമാനായി സതീഷ് കാവിലകത്ത്, കൺവീനറായി അബി യെഹിയ, ജോ കൺവീനറായി പ്രിയങ്ക മാത്യു എന്നിവരേയും 17 അംഗ എക്സിക്യൂട്ടീവ് കമ്മറ്റിയേയും തിരഞ്ഞെടുത്തു.
തുടർന്ന് പി ഭാസ്കരൻ മ്യൂസിക് ക്ലബ്ബ് പ്രവർത്തകരുടെ ആഭിമുഖ്യത്തിൽ ഭാസ്കരൻ മാസ്റ്ററുടെ പാട്ടുകളുടെ ദൃശ്യാവിഷ്കാരവും ഗാനസന്ധ്യയും നടന്നു.
English Summary: Inauguration of P Bhaskaran Master Music Club
You may also like this video
