വനിതാ ശിശുവികസന വകുപ്പിന് കീഴിലെ സംസ്ഥാനത്തെ ആദ്യ സ്മാർട്ട് അങ്കണവാടിയുടെ ഉദ്ഘാടനം ഇന്ന് നടക്കും. പൂജപ്പുര സാമൂഹ്യനീതി വകുപ്പ് ഇൻസ്റ്റിറ്റ്യൂഷൻ കോംപ്ലക്സ് കോമ്പൗണ്ടിൽ രാവിലെ 10.30 നടക്കുന്ന ചടങ്ങിൽ ആരോഗ്യ — വനിതാ ശിശു വികസന വകുപ്പ് മന്ത്രി വീണാ ജോർജ്ജ് ഉദ്ഘാടനം നിർവഹിക്കും. വിദ്യാഭ്യാസ — തൊഴിൽവകുപ്പ് മന്ത്രി വി ശിവൻകുട്ടി അധ്യക്ഷത വഹിക്കും.
തിരുവനന്തപുരം മേയർ ആര്യാ രാജേന്ദ്രൻ ചടങ്ങില്‍ മുഖ്യാതിഥിയാകും. തിരുവനന്തപുരം അർബൻ 2 ഐസിഡിഎസ് പ്രൊജക്ടിലെ 37ാം നമ്പർ അങ്കണവാടിയാണ് കുട്ടികൾക്കായി സമർപ്പിക്കുന്നത്. 44,94,518 രൂപ ചെലവില്‍ 1655.23 ചതുരശ്രഅടി വിസ്തൃതിയിലാണ് അങ്കണവാടിയുടെ നിർമ്മാണം.
English Summary:inauguration of the first Smart Anganwadi
You may also like this video
