അക്കാദമി ഓഫ് മോഷൻ പിക്ചർ ആൻഡ് ആർട്ടിൽ നിന്ന് നടൻ വിൽ സ്മിത്ത് രാജിവച്ചു. ഓസ്കർ വേദിയിൽ അവതാരകന്‍റെ മുഖത്തടിച്ച സംഭവത്തല്‍ ഖേദം പ്രകടിപ്പിച്ചാണ് രാജി. അക്കാദമി അര്‍പ്പിച്ച വിശ്വാസം തനിക്ക് കാത്തുസൂക്ഷിക്കാനായില്ല. ഓസ്കര്‍ വേദിയിലെ തന്‍റെ പെരുമാറ്റം മാപ്പര്‍ഹിക്കാത്തതെന്നും ഏത് ശിക്ഷാവിധിയും സ്വീകരിക്കാന്‍ തയ്യാറാണെന്ന് സ്മിത്ത് അറിയിച്ചു.
ഓസ്കർ അക്കാദമി സ്മിത്തിനെതിരെ അച്ചടക്ക നടപടി ചര്‍ച്ച ചെയ്യാന്‍ യോഗം ചേരാനിരിക്കേയാണ് വില്‍ സ്മിത്തിന്‍റെ രാജി. രാജി സ്വീകരിച്ചതായി അക്കാദമി അധ്യക്ഷൻ ഡേവിഡ് റൂബിൻ അറിയിച്ചു.ഓസ്കാര്‍ വേദിയില്‍ ഭാര്യ ജെയ്‍ഡ പിന്‍കറ്റിന്‍റെ രോഗാവസ്ഥയെക്കുറിച്ച് അവതാരകനായ ക്രിസ് റോക്ക് പറഞ്ഞ തമാശയിലാണ് സ്മിത്ത് വേദിയിലേക്ക് എത്തി ക്രിസ് റോക്കിന്റെ മുഖത്തടിച്ചത്.
ഇതിന് പിന്നാലെയാണ് വിൽ സ്മിത്തിനെ മികച്ച നടനായി തെരഞ്ഞെടുത്തുകൊണ്ടുള്ള പ്രഖ്യാപനം വരുന്നത്. പുരസ്‍കാരം സ്വീകരിച്ചുകൊണ്ട് നടത്തിയ പ്രസംഗത്തില്‍ തന്‍റെ പെരുമാറ്റത്തിന് സ്മിത്ത് മാപ്പ് ചോദിച്ചിരുന്നു. പിന്നാലെ തന്‍റെ സോഷ്യല്‍ മീഡിയ പ്ലാറ്റ്ഫോമിലൂടെ ഒരു വിശദമായ കുറിപ്പും നല്‍കിയിരുന്നു.
English Summary:incident where the presenter was beaten at the Oscar stage; Will Smith resigned
You may also like this video
