വാണിജ്യമേഖലയില്‍ നിര്‍ണായകമായേക്കാവുന്ന ഇന്ത്യ‑യൂറോപ്യന്‍ ഫ്രീ ട്രേഡ് അസോസിയേഷന്‍ (ഇഫ്‌ടിഎ) സ്വതന്ത്ര കരാര്‍ ചര്‍ച്ചകള്‍ അനിശ്ചിതത്വത്തില്‍. വിവിധ വിഷയങ്ങളില്‍ സ്വിറ്റ്സര്‍ലന്‍‍ഡ് പ്രകടിപ്പിച്ച ആശങ്കകളാണ് കരാര്‍ ചര്‍ച്ചകളുടെ സ്തംഭനത്തിന് കാരണം.
ചലനക്ഷമത, ബൗദ്ധിക സ്വത്തവകാശം എന്നിവയെക്കുറിച്ചുള്ള ആശങ്കകളും ചരക്കുകളുടെ വിപണി പ്രവേശനത്തെക്കുറിച്ചുള്ള ഇന്ത്യയുടെ പരിഷ്കരിച്ച നിര്‍ദേശങ്ങളുമാണ് സ്വിറ്റ്സര്‍ലന്‍ഡിനെ ആശയക്കുഴപ്പത്തിലാക്കിയിരിക്കുന്നത്.
ഐസ്‌ലന്‍ഡ്, ലിച്ചടെന്‍സ്റ്റീന്‍, നോര്‍വെ, സ്വിറ്റ്സര്‍ഡ് രാജ്യങ്ങളാണ് ഇഎഫ്‌ടിഎ അംഗങ്ങള്‍. അടുത്തവര്‍ഷം രാജ്യത്തെ തെരഞ്ഞെടുപ്പ് നടപടികള്‍ ആരംഭിക്കുന്നതിന് മുമ്പ് വ്യാപാര‑വാണിജ്യ പങ്കാളിത്തം (ടിഇപിഎ) ഉറപ്പാക്കാനാണ് ഇഫ്‌ടിഎ ലക്ഷ്യമിടുന്നത്.
2008 ജനുവരിയിലാണ് ഇതുസംബന്ധിച്ച ചര്‍ച്ചകള്‍ ആരംഭിച്ചത്. 2013ല്‍ എല്ലാ ചര്‍ച്ചകളും നിര്‍ത്തിവച്ചെങ്കിലും 2016 ഒക്ടോബറില്‍ പുനഃസ്ഥാപിച്ചു. കഴിഞ്ഞ മാസം 20നും 30 നും ഇടയില്‍ വിഷയത്തിലെ ഇരുപതാം വട്ട ചര്‍ച്ച ജനീവയില്‍ നിന്ന് വീഡിയോ കോണ്‍ഫറന്‍സ് വഴി നടത്തിയിരുന്നു. നേരത്തെ കാന‍‍ഡ‑ഇന്ത്യ നയതന്ത്ര ബന്ധം വഷളായതോടെ സ്വതന്ത്ര വ്യാപാര കരാര്‍ ചര്‍ച്ചകള്‍ നിര്‍ത്തിവച്ചിരുന്നു.
English Summary: India EFTA Free Trade Agreement in limbo
You may also like this video
