റമദാൻ മാസത്തോടനുബന്ധിച്ച് കുവൈറ്റിലെ ഇന്ത്യൻ എംബസിയുടെയും ബി.എൽ.എസ് ഇന്റർനാഷണലിന് കീഴിൽ പ്രവർത്തിക്കുന്ന നാല് ഇന്ത്യൻ കോൺസുലർ ആപ്ലിക്കേഷൻ സെന്ററുകളുടെയും (ICACs) പുതിയ പ്രവൃത്തി സമയം എംബസി അറിയിച്ചു. മാർച്ച് 2‑ലെ അറിയിപ്പ് പ്രകാരം, ശനിയാഴ്ച മുതൽ വ്യാഴാഴ്ച വരെ രാവിലെ 9 മണി മുതൽ ഉച്ചകഴിഞ്ഞ് 3 മണി വരെയാണ് ഓഫീസുകൾ പ്രവർത്തിക്കുക. ടോക്കണുകൾ ഉച്ചകഴിഞ്ഞ് 2:30 വരെ മാത്രമേ നൽകുകയുള്ളൂ.
വെള്ളിയാഴ്ച അവധിയായിരിക്കും. കുവൈറ്റ് സിറ്റി (അൽ ജവ്ഹറ ടവർ), ജലീബ് അൽ ഷുയൂഖ് (നെസ്റ്റോ ഹൈപ്പർമാർക്കറ്റ് ബിൽഡിംഗ്), ഫഹാഹീൽ (അൽ അനൂദ് ഷോപ്പിംഗ് കോംപ്ലക്സ്), ജഹ്റ (അൽ ഖലീഫ ബിൽഡിംഗ്) എന്നിവിടങ്ങളിലെ സേവന കേന്ദ്രങ്ങൾക്ക് ഈ സമയം ബാധകമാണ്. നിലവിലെ സാഹചര്യങ്ങൾ എംബസി നിരീക്ഷിച്ചു വരികയാണെന്നും സമയക്രമത്തിൽ മാറ്റങ്ങളുണ്ടായാൽ വെബ്സൈറ്റിലൂടെയും സോഷ്യൽ മീഡിയ അക്കൗണ്ടുകളിലൂടെയും അറിയിക്കുമെന്നും അധികൃതർ വ്യക്തമാക്കി.