കായികലോകത്തെ ഓസ്കാർ എന്നറിയപ്പെടുന്ന ലോറസ് പുരസ്കാരത്തിനുള്ള ചുരുക്കപ്പട്ടികയില്‍ ഇടം നേടി ഇന്ത്യയുടെ ഒളിമ്പിക് സ്വര്‍ണമെഡല്‍ ജേതാവ് നീരജ് ചോപ്ര. വഴിത്തിരിവാകുന്ന മുന്നേറ്റങ്ങൾക്കുളള വിഭാഗത്തിലാണ് നാമനിര്‍ദ്ദേശം. പട്ടികയിലെ ആറ് താരങ്ങളിൽ ഒരാളാണ് നീരജ് ചോപ്ര.
ജാവലിന്‍ താരമായ നീരജ് ടോക്യോ ഒളിമ്പിക്സില്‍ 87.58 മീറ്റര്‍ ദൂരം കണ്ടെത്തിയാണ് സ്വര്‍ണമെഡല്‍ കഴുത്തിലണിഞ്ഞത്. ലോറസ് പുരസ്‌കാരത്തിന് നാമനിര്‍ദേശം ലഭിക്കുന്ന മൂന്നാമത്തെ മാത്രം ഇന്ത്യക്കാരനാണ് നീരജ്. യുഎസ് ഓപ്പൺ കിരീടം നേടിയ ടെന്നിസ് താരങ്ങളായ ഡാനിൽ മെദ്‍‍വദേവ്, എമ്മ റാഡുക്കാനു, ഫുട്ബോള്‍ താരം പെഡ്രി, ഓസ്ട്രേലിയന്‍ നീന്തൽ താരം ആരിയാര്‍നെ ടിറ്റ്മസ്, വെനസ്വേലന്‍ ട്രിപ്പിൾ ജംപ് താരം യൂലിമാര്‍ റോഹസ് എന്നിവരും ചുരുക്കപ്പട്ടികയിൽ ഉണ്ട്. ലോകമെമ്പാടുമുളള 1300 സ്പോര്‍ട്‌സ് ലേഖകര്‍ അടങ്ങുന്ന പാനലാണ് ചുരുക്കപ്പട്ടിക തയ്യാറാക്കിയത്.
English summary : Indian Olympic gold medalist Neeraj Chopra has been shortlisted for the Laurus Oscar
you may also like this video
