ലണ്ടനില്‍ വീട്ടിലേക്ക് സൈക്കിളിൽ പോകുന്നതിനിടെ ട്രക്ക് ഇടിച്ച് ഇന്ത്യൻ വിദ്യാർത്ഥി മരിച്ചു. ലണ്ടൻ സ്‌കൂൾ ഓഫ് ഇക്കണോമിക്‌സിലെ പിഎച്ച്ഡി വിദ്യാർത്ഥിനിയായിരുന്ന 33 കാരിയായ ചീസ്ത കൊച്ചാറാണ് മരിച്ചത്. പബ്ലിക് പോളിസി തിങ്ക്ടാങ്ക് നിതി ആയോഗിൽ മുമ്പ് പ്രവർത്തിച്ചിരുന്ന കൊച്ചാർ, എൽഎസ്ഇയിൽ നിന്ന് ബിഹേവിയറൽ സയൻസിൽ പിഎച്ച്ഡി ചെയ്യുകയായിരുന്നു.
കഴിഞ്ഞ വർഷം സെപ്റ്റംബർ മുതൽ ലണ്ടൻ സ്‌കൂൾ ഓഫ് ഇക്കണോമിക്‌സിൽ ഗവേഷണം നടത്തിവരികയായിരുന്നു കൊച്ചാര്‍. 2021 ജൂൺ മുതൽ 2023 ഏപ്രിൽ വരെ നിതി ആയോഗിലെ നാഷണൽ ബിഹേവിയറൽ ഇൻസൈറ്റ്സ് യൂണിറ്റ് ഓഫ് ഇന്ത്യയുടെ സീനിയർ അഡൈ്വസറായി പ്രവർത്തിച്ചിരുന്ന കൊച്ചാര്‍ സെൻ്റർ ഫോർ സോഷ്യൽ ആൻഡ് ബിഹേവിയർ ചേഞ്ചിൽ അസോസിയേറ്റ് ഡയറക്ടറായി പ്രവർത്തിച്ചിട്ടുണ്ട്.
English Summary: Indian student dies after being hit by a truck in London
You may also like this video
