രാഹുല് മാങ്കൂട്ടത്തിലിനെതിരെ പരാതി നല്കിയ യുവതിയുടെ ഐഡന്റിറ്റി വെളിപ്പെടുത്തിയ കേസിൽ കെപിസിസി ജനറൽ സെക്രട്ടറി സന്ദീപ് വാര്യര് പ്രതി. സന്ദീപിനോപ്പം ദീപ ജോസഫ്, രഞ്ജിത പുളിക്കന് എന്നിവര്ക്കെതിരെയും പൊലീസ് കേസെടുത്തിട്ടുണ്ട്. കേസില് നാലാം പ്രതിയാണ് സന്ദീപ്. അഞ്ചാം പ്രതിയായ രാഹുല് ഈശ്വര് പൊലീസ് കസ്റ്റഡിയിലാണ്.
അതിജീവത ഇവര്ക്കെതിരെ നല്കിയ പരാതിയിലാണ് തിരുവനന്തപുരം സൈബര് പൊലീസ് കേസ് രജിസ്റ്റര് ചെയ്തത്. ഇരയുടെ ചിത്രം സന്ദീപിന്റെ ഫെയ്സ്ബുക്ക് അക്കൗണ്ടില് നേരത്തെ പോസ്റ്റ് ചെയ്തിട്ടുണ്ടായിരുന്നു. ഇരയുടെ ഐഡന്റിറ്റി വെളിപ്പെടുത്തപ്പെടുമെന്നതിനാല് സന്ദീപ് ചിത്രം ഡിലീറ്റ് ചെയ്തിരുന്നു. എന്നാല് കുറിപ്പിലൂടെ ഈ വിവരം പങ്കുവച്ചതിനു ശേഷമായിരുന്നു സന്ദീപ് ചിത്രം നീക്കിയത്.