കടുത്ത സൈനിക സംഘർഷങ്ങൾ നടക്കുന്ന ഉക്രെയ്നിൽ നിന്ന് ഇന്ത്യൻ പൗരൻമാരെയും വിദ്യാർത്ഥികളെയും അതിവേഗം രക്ഷിക്കാൻ വേണ്ട നടപടികൾ സർക്കാർ സ്വീകരിക്കണമെന്നു സിപിഐ കേന്ദ്ര സെക്രട്ടേറിയറ്റ് അംഗം ബിനോയ് വിശ്വം എംപി ആവശ്യപ്പെട്ടു. വലിയ സൈനിക സംഘർഷങ്ങൾ സംഭവിക്കുന്ന ഉക്രെയ്‍നിലെ സാഹചര്യങ്ങൾ അതീവ ഗുരുതരമാണ്. ഉക്രെയ്നിൽ കുടുങ്ങിയ ഇന്ത്യക്കാരെ രക്ഷിക്കാൻ സാധ്യമായ എല്ലാ നടപടികളും കേന്ദ്രസർക്കാർ കൈകൊള്ളണം. റയിൽ — റോഡ് മാർഗങ്ങളിലൂടെ പൗരൻമാരെ രക്ഷിക്കാൻ ആ മേഖലയിലെ ഇന്ത്യൻ എംബസികളെ സജ്ജമാക്കണമെന്ന് കേന്ദ്ര വിദേശകാര്യ മന്ത്രി എസ് ജയശങ്കറിന് എഴുതിയ കത്തിൽ ബിനോയ് വിശ്വം ആവശ്യപ്പെട്ടു.
English summary; Intervene to rescue those trapped in Ukraine: Binoy Vishwam MP
You may also like this video;
