ഐപിഎല്ലില്‍ പഞ്ചാബ് കിംഗ്സിനെതിരെ സണ്‍റൈസേഴ്സ് ഹൈദരാബാദിന് 152 റണ്‍സ് വിജയലക്ഷ്യം. ആദ്യം ബാറ്റ് ചെയ്ത പഞ്ചാബ് നിശ്ചിത 20 ഓവറില്‍ 151 റണ്‍സിന് ഓള്‍ഔട്ടാകുകയായിരുന്നു. ടോസ് നേടിയ ഹൈദരാബാദ് പഞ്ചാബിനെ ബാറ്റിംഗിന് അയക്കുകയായിരുന്നു.
ലിയാം ലിവിംഗ്സ്റ്റണിന്‍റെ അർധ സെഞ്ചുറിയാണ് പഞ്ചാബിനെ രക്ഷിച്ചത്. 33 പന്തിൽ നാല് സിക്സും അഞ്ച് ഫോറും ഉൾപ്പെടെ 60 റണ്‍സാണ് ലിവിംഗ്സ്റ്റണിന്‍റെ ബാറ്റിംഗിലൂടെ നേടിയത്. ഷാരൂഖ് ഖാൻ 28 പന്തിൽ 26 റണ്‍സും നേടി. നായകൻ ശിഖർ ധവാൻ (8), പ്രഭ്സിമ്രാൻ സിംഗ് (14), ജോണി ബെയർസ്റ്റോ (12), ജിതേഷ് ശർമ (11), ഒഡീൻസ് സ്മിത്ത് (13) എന്നിവർക്ക് തിളങ്ങാനായില്ല. ഹൈദരാബാദിനായി ഉംറാൻ മാലിക് നാല് ഓവറിൽ 28 റണ്‍സ് വഴങ്ങി നാല് വിക്കറ്റ് വീഴ്ത്തി. ഭൂവനേശ്വർ കുമാർ മൂന്ന് വിക്കറ്റും നേടി.
English Summary:IPL; Hyderabad set a target of 152 runs
You may also like this video
